Artistja shqiptare me famë botërore, Dua Lipa, ka zgjedhur librin "Të lirë" të autores Lea Ypi si përzgjedhjen e muajit korrik në klubin e saj të librit, Service95. Ky libër rrëfen përvojën e autores si fëmijë në Shqipërinë e izoluar gjatë regjimit stalinist, ku një kanaçe bosh Coca-Cola simbolizonte statusin dhe dëshirën e njerëzve në një shoqëri të mbyllur. Përtej absurditeteve të asaj kohe, vepra trajton sfidat e ardhjes së lirisë, duke treguar se ajo nuk ishte aq e thjeshtë sa pritej, me pasoja si mbyllja e fabrikave, humbjen e vendeve të punës dhe ndarjen e familjeve. Përmes këtij klubi, Dua Lipa synon të promovojë libra që hapin debate mbi tema sociale dhe kulturore, duke sjellë në vëmendje histori me kuptime të thella dhe reflektime mbi lirinë.