Në natën finale të Eurovisionit në Vjenë, prezantuesja Victoria Swarovski u shfaq me tri fustane të veçantë, të cilët janë krijuar nga dy dizajnerë nga Kosova, Valdrin Sahiti dhe Drenusha Xharra. Fustani smerald-gjelbër, i punuar nga Sahiti, tërhoqi vëmendjen me shkëlqimin dhe prerjen që theksonte linjat e trupit, ndërsa fustani vjollcë nga Xharra u paraqit para përfundimit të performancës së Austrisë. Mbrëmjen e mbylli përsëri Victoria me një fustan argjendi, gjithashtu nga Sahiti, që përfaqëson një stil modern të “Old Hollywood”. Kjo paraqitje e prezantueses austriake nënvizoi ndikimin dhe praninë e dizajnit kosovar në një nga eventet më të mëdha muzikore europiane, pavarësisht mungesës së Kosovës në garë.