Sopranoja shqiptare me famë ndërkombëtare, Ermonela Jaho, është nderuar nga Franca me titullin prestigjioz “Chevalier des Arts et des Lettres”, një nga dekoratat më të larta për kontribut të jashtëzakonshëm në art dhe kulturë. Në një mesazh emocionues, Jaho shprehu mirënjohjen e saj të thellë ndaj Francës dhe njerëzve që e kanë mbështetur gjatë karrierës, duke përmendur veçanërisht agjentin e saj Dominique Riber dhe Jean-Philippe Thiellay. Ceremonia u zhvillua në një atmosferë të ngrohtë, e rrethuar nga miq dhe dashamirës të artit, duke i dhënë kuptim të veçantë sakrificave të artistëve. Ermonela Jaho është e njohur për interpretimet e saj në skena të njohura botërore si Royal Opera House, Metropolitan Opera dhe Teatro alla Scala.