Në Vjenë ka nisur edicioni i 70-të i Eurovision Song Contest, një nga ngjarjet më të mëdha muzikore në Evropë, ku 35 vende garojnë për trofeun e madh. Shqipëria përfaqësohet nga këngëtari Alis me këngën “Nan”, e cila përmban një mesazh të fuqishëm për figurën e nënës në familjen shqiptare. Performanca e Alisit do të zhvillohet të enjten në skenën ikonike të Wiener Stadthalle, ku ai do të ngjitet i 13-ti në radhë gjatë natës së dytë gjysmëfinale. Rregullat e reja të votimit, të vendosura nga Unioni Evropian i Transmetimeve, kërkojnë mbështetjen e diasporës për të çuar Shqipërinë në finale, pasi votimi nga brenda vendit nuk lejohet.