Libraria “Dukagjini” organizon për herë të tretë edicionin e “Literary Fiesta”, një festival njëjavor që do të zhvillohet nga 1 deri më 7 Qershor në hapësirën përpara librarisë. Gjatë kësaj periudhe, vizitorët do të përjetojnë një atmosferë festive të dedikuar librit dhe kulturës, me aktivitete të ndryshme për të gjitha grupmoshat. Një nga atraksionet kryesore të festivalit janë zbritjet speciale deri në 50% për qindra tituj të përzgjedhur, duke përfshirë botimet më të reja dhe bestsellerët më të kërkuar. Kjo iniciativë ka për qëllim të afrojë librin më pranë lexuesve dhe të nxisë reflektimin mbi rëndësinë e leximit në shoqëri, duke krijuar një hapësirë edukative dhe kulturore për të gjithë dashamirësit e librit.