Për dy ditë radhazi në Podujevë u zhvillua Festivali Mbarëkombëtar “Pushka e Parë e Lirisë” – Edicioni III, ku ansamblet nga të gjitha trevat shqiptare prezantuan këngë, valle dhe veshje tradicionale që pasqyrojnë trashëgiminë kulturore të kombit. Ky festival u shndërrua në një festë të vërtetë të kulturës shqiptare, duke dëshmuar se kultura mbetet ura më e fortë që bashkon shqiptarët. Fitues i vendit të parë u shpall AKV “Deçani”, ndërsa u nderuan edhe vendet e dyta dhe të treta, me falënderime të veçanta për të gjitha grupet pjesëmarrëse, artistët, organizatorët dhe publikun. Organizatorët shprehen mirënjohje dhe shpresojnë për edicione të ardhshme me më shumë pjesëmarrës dhe vlera kombëtare.