Filmi artistik me metrazh të gjatë “Dua”, me regji dhe skenar nga Blerta Basholli, do të ketë premierën botërore në seksionin prestigjioz “Semaine de la Critique” të Festivalit Ndërkombëtar të Filmit në Cannes. Ky është një sukses historik për Kosovën, pasi është hera e parë që një film kosovar përzgjidhet në këtë seksion konkurrues, ku do të garojë për katër çmime kryesore në kategorinë e filmave të gjatë. “Dua” është një dramë “coming of age” që ndjek historinë e një adoleshenteje 13-vjeçare në Kosovën e vitit 1999, në një periudhë të vështirë politike dhe sociale, duke u bazuar në përvojat personale të regjisores. Producentë janë Valon Bajgora dhe Yll Uka nga Kosova, ndërsa bashkëproducentë nga Zvicra dhe Franca, me mbështetje nga institucione të rëndësishme kinematografike ndërkombëtare. Filmi pritet të ketë një rrugëtim të gjatë dhe ambicioz, duke synuar edhe kandidaturën për çmimin “Oscar”, ndërsa përfaqëson një rrëfim të sinqertë dhe të nevojshëm për historinë e Kosovës gjatë luftës së vitit 1999.