Filmi me metrazh të gjatë "Dua", i regjisores Blerta Basholli, do të ketë premierën rajonale në kuadër të Sarajevo Film Festival, ku është përzgjedhur në garën kryesore 'Main Competition'. Ky është një hap i rëndësishëm në rrugëtimin ndërkombëtar të filmit, pas premierës së tij botërore në seksionin prestigjioz La Semaine de la Critique në Festivalin e Filmit në Kanë. "Dua" është një dramë coming-of-age e vendosur në Kosovën e viteve ’90, e frymëzuar nga përvojat personale të regjisores, që ndjek historinë e një adoleshenteje në kërkim të identitetit në një periudhë të ndërlikuar politike. Filmi është prodhuar nga Ikonë Studio në Kosovë dhe bashkëprodhime nga Zvicra dhe Franca, duke marrë mbështetje nga institucione të rëndësishme kinematografike evropiane dhe shqiptare.