Komiteti Përzgjedhës i Qendrës Kinematografike të Kosovës ka zgjedhur njëzëri filmin “Dua” me regji të Blerta Bashollit si propozimin zyrtar për kategorinë International Feature Film në edicionin e 99-të të Academy Awards. Filmi është vlerësuar për rrëfimin e guximshëm dhe interpretimin e jashtëzakonshëm të aktores Pinea Matoshi, si dhe për trajtimin e temave universale si identiteti, trauma dhe rezistenca në një periudhë të rëndësishme të historisë së Kosovës. Ky vit shënon një moment të veçantë për kinematografinë kosovare, pasi përveç “Dua”, edhe filmi “Shame and Money” i Visar Morinës, fitues i Grand Jury Prize në Sundance, është kualifikuar drejtpërdrejt në garën për Oscar. Kjo përfaqësim i dyfishtë në një nga ngjarjet më prestigjioze të kinemasë ndërkombëtare tregon rritjen dhe njohjen e kinemasë kosovare në arenën globale.