Ministrja në detyrë e Kulturës dhe Turizmit në Kosovë, Saranda Bogujevci, zhvilloi një takim me homologen e saj nga Mali i Zi, Tamara Vujović, në prag të Forumit për Ekonominë Kreative që mbahet në kuadër të Procesit të Berlinit. Gjatë takimit u diskutuan mundësitë për forcimin e bashkëpunimit kulturor ndërmjet dy vendeve, me fokus në kulturë, trashëgimi kulturore dhe industri kreative. Një pjesë e rëndësishme e bisedës ishte krijimi i lidhjeve institucionale që do të mundësojnë shkëmbimin e përvojave, realizimin e projekteve të përbashkëta dhe mbështetjen e artistëve dhe profesionistëve të kulturës. Bogujevci theksoi se bashkëpunimi rajonal në fushën e kulturës është kyç për zhvillimin e sektorit kreativ dhe promovimin e vlerave kulturore në rajon.