Pas një rinovimi të plotë dhe rikonfigurimi të hapësirave ekspozuese, Galeria Kombëtare e Kosovës rihapet sonte me ekspozitën “Jo gjithë njerëzit ekzistojnë në të Tashmen e njëjtë”, e kuruar nga Hana Halilaj. Kjo ekspozitë përfshin veprat e 43 artistëve shqiptarë, duke përfaqësuar një fazë të re zhvillimi publik dhe infrastrukturor të institucionit. Në të njëjtën kohë, inaugurohet edhe hapësira e parë institucionale për ruajtjen e koleksionit, që do të mundësojë konservim, studim dhe riinterpretim të veprave artistike. Akti i hapjes do të bëhet nga Oda Haliti dhe fillon në orën 19:00, duke shënuar një moment të rëndësishëm për artin dhe kulturën në Kosovë.