Kadir Inanır, një nga figurat më të njohura dhe më të dashura të kinematografisë turke, ka ndërruar jetë në moshën 77-vjeçare pas problemeve serioze me frymëmarrjen dhe një infeksioni në mushkëri. Ai ishte shtruar në spital dhe trajtuar intensivisht për pneumoni, por gjendja e tij u përkeqësua deri në humbjen e jetës. Gjatë karrierës së tij të gjatë, Inanır ka luajtur në rreth 182 filma dhe 12 seriale televizive, duke u bërë një ikonë e epokës së artë të kinemasë turke dhe duke fituar çmime të rëndësishme për kontributin artistik. Ai la pas një trashëgimi të madhe artistike dhe u kujtua edhe për vizitën e tij në Kosovë në vitin 2013, ku u prit nga ministri i Kulturës, Memli Krasniqi.