Kadir Inanır, një nga figurat më të njohura dhe të dashura të kinematografisë turke, ka ndërruar jetë në moshën 77-vjeçare pas problemeve serioze shëndetësore me frymëmarrjen dhe një infeksioni në mushkëri. Ai u trajtua intensivisht për pneumoni dhe komplikacione të tjera, por gjendja e tij u përkeqësua deri në fund. Gjatë karrierës së tij të gjatë, Inanır luajti në rreth 182 filma dhe 12 seriale televizive, duke u bërë një simbol i epokës së artë të kinemasë turke dhe duke lënë një trashëgimi të madhe artistike. Përveç suksesit në Turqi, ai ishte i njohur edhe në rajon, ku u kujtua veçanërisht për rolin e tij në filmin "Shamikuqja" (1977), i cili e bëri të dashur edhe nga publiku shqiptar.