Aktori i njohur shqiptar Gjergji Lala ka ndërruar jetë në moshën 79-vjeçare në një spital në Itali, pas një sëmundjeje të gjatë. Ai njihej për rolin e tij të paharrueshëm si Mihal Gramenos në filmin “Liri a Vdekje”, si dhe për pjesëmarrjen në shumë filma të tjerë të rëndësishëm të kinematografisë shqiptare. Gjergji Lala lindi në Lushnjë në vitin 1947 dhe ndër vite dha kontribut të madh si në teatër ashtu edhe në film, duke vazhduar aktivitetin artistik edhe gjatë jetës së tij në Itali. Humbja e tij është një goditje e rëndë për skenën artistike shqiptare, ku ai do të mbahet mend si një prej aktorëve më të shquar dhe të dashur për publikun.