Në meshën solemne të Pashkëve në Katedralen “Shën Nënë Tereza” në Prishtinë, Ipeshkvi Dodë Gjergji përcolli mesazhe të fuqishme për paqe, reflektim shpirtëror dhe përgjegjësi. Ai bëri thirrje për ripërtëritje të shpresës në familjet shqiptare dhe kërkoi nga liderët politikë të tregojnë përgjegjësi në ruajtjen e stabilitetit dhe sigurisë në vend. Gjergji u lut për ndaljen sa më të shpejtë të luftërave në botë dhe për mbizotërimin e paqes dhe qetësisë. Pashkët, festa më e rëndësishme e krishterimit, u shënua me pjesëmarrje të madhe të besimtarëve dhe përçon mesazhe shprese, ripërtëritjeje dhe jetë të re.