IPKO vazhdon edhe këtë vit partneritetin me Sunny Hill Festival 2026, ngjarjen më të madhe muzikore dhe kulturore në Kosovë, që mbahet nga 31 korriku deri më 2 gusht në Bërnicë. Edicioni i sivjetmë sjell një line-up të fuqishëm me artistë ndërkombëtarë si Katy Perry, Lewis Capaldi dhe Martin Garrix, si dhe emra të njohur shqiptarë dhe rajonalë. IPKO do të sigurojë kapacitet shtesë të rrjetit mobil dhe mbulim të avancuar me teknologjinë 5G, duke garantuar internet të shpejtë dhe të besueshëm për dhjetëra mijëra vizitorë gjatë gjithë festivalit. Përmes këtij partneriteti, IPKO kontribuon në promovimin e kulturës dhe kreativitetit në Kosovë, duke ofruar teknologjinë që i mban njerëzit të lidhur dhe të përfshirë në çdo moment të ngjarjes.