Kalaja e Prizrenit do të mbyllet përkohësisht për vizitorët, duke nisur nga data 25 gusht 2026, për shkak të fillimit të punimeve emergjente në këtë aset të rëndësishëm të trashëgimisë kulturore. Vendimi është marrë nga Njësia Menaxhuese e Kalasë me miratimin e Institutit Arkeologjik të Kosovës dhe Ministrisë së Kulturës dhe Turizmit. Mbyllja pritet të zgjasë rreth dy javë dhe ka për qëllim krijimin e kushteve të sigurta për vizitorët dhe punëtorët gjatë zhvillimit të punimeve. Publiku do të njoftohet me kohë për çdo ndryshim në afatin e mbylljes ose rihapjes së kalasë, ndërsa autoritetet falënderojnë për mirëkuptimin dhe bashkëpunimin.