Filharmonia e Kosovës ka njoftuar se koncerti “Americana”, i cili ishte planifikuar të mbahej më 8 korrik në Sheshin “Skënderbeu” në Prishtinë, është shtyrë për një ditë për shkak të parashikimeve të motit që paralajmërojnë reshje shiu dhe stuhi gjatë kohës së koncertit. Ngjarja do të zhvillohet më 9 korrik në të njëjtin vend dhe në të njëjtën orë, duke filluar nga ora 20:30, ndërsa të gjitha rezervimet mbeten të vlefshme. Ky koncert përmbyll sezonin artistik 2025/2026 dhe shënon 250-vjetorin e Pavarësisë së Shteteve të Bashkuara të Amerikës, duke ofruar një program me muzikë amerikane të interpretuar nga Orkestra e Filarmonisë së Kosovës. Filharmonia ka theksuar se vendimi është marrë për të garantuar sigurinë e publikut, artistëve dhe stafit, si dhe për të siguruar kushte optimale për zhvillimin e ngjarjes artistike.