Koncerti i Adriatique, një prej eventeve më të mëdha të muzikës elektronike, i parashikuar të mbahej më 11 korrik në Prishtinë, është anuluar papritur. Organizatorët nga SONO International kanë bërë të ditur se anulimi nuk ishte në kontrollin e tyre dhe shprehen të trishtuar për këtë zhvillim, duke falënderuar fansat për pritjen e gjatë. Ata kanë njoftuar gjithashtu se të gjithë blerësit e biletave do të mund të marrin rimbursim duke kontaktuar me ekipin organizativ. Adriatique, dyshja e njohur evropiane me prejardhje shqiptare dhe zvicerane, vjen pas suksesit të organizimit të koncertit të Black Coffee në Tiranë nga i njëjti ekip.