Ministria e Kulturës dhe Turizmit ka akuzuar Komunën e Prishtinës për zhvillim të punimeve pa leje në zonën e mbrojtur të Pallatit të Rinisë dhe Sportit, duke theksuar se projekti “Ishulli Urban” është realizuar pa pëlqimet e nevojshme nga institucionet e trashëgimisë kulturore. Inspektorati për Trashëgimi Kulturore kishte ndërprerë punimet që në nëntor të vitit 2024, por Komuna ka rinisur aktivitetet ndërtimore në janar 2026, duke hequr edhe shiritat zyrtarë të ndalimit të punimeve, çka sipas Ministrisë mund të përbëjë vepra penale.