Korça i dha lamtumirën e fundit aktorit të njohur Koço Qëndro, i cili u nda në moshën 99-vjeçare, duke lënë pas një trashëgimi të pasur në teatër dhe kinematografi. Ceremonia mortore u zhvillua në mënyrë private, sipas dëshirës së artistit, ku familjarë, kolegë dhe qytetarë u mblodhën për të nderuar jetën dhe veprën e tij. Gjatë homazheve, bashkëpunëtorët dhe aktorët e kujtuan si një figurë të dashur, një qytetar model dhe një mjeshtër të karaktereve në skenë. Drejtoresha e teatrit “Andon Zako Çajupi” theksoi humbjen e madhe për artin shqiptar dhe kujtoi rolet e paharrueshme të Koços, ndërsa kolegët e përshkruan atë si një mik të afërt dhe një artist të veçantë.