Kori Siparantum nga Prishtina ka nisur udhëtimin drejt Kuala Lumpurit, Malajzi, për të marrë pjesë në MCE International Choir Festival 2026, një ngjarje ku marrin pjesë mbi 200 kore nga e gjithë bota. Nën drejtimin e dirigjentit Memli Kelmendi, kori do të garojë në dy kategori të ndryshme, duke përfaqësuar muzikën dhe kulturën e Kosovës në këtë skenë prestigjioze ndërkombëtare. Përveç garës, ata do të performojnë edhe në koncertin “Songs Around the World – Echoes of Light” së bashku me ansamble nga vende si Rusia, Singapori, Tajlanda dhe Filipinet. Ky aktivitet shënon një hap të rëndësishëm në rrugëtimin e Siparantumit në fushën e artit koral dhe promovimin e identitetit kulturor të vendit.