Kori “Siparantum” nga Peja do të marrë pjesë në festivalin ndërkombëtar të koreve “MCE International Choir Festival 2026” në Kuala Lumpur, Malajzi, që mbahet nga 19 deri më 23 gusht 2026. Ansambli do të udhëtojë më 17 gusht për të nisur këtë përvojë të rëndësishme ndërkombëtare, duke përfaqësuar Kosovën në një ngjarje ku marrin pjesë rreth 200 kore nga e gjithë bota. Nën drejtimin e dirigjentit Memli Kelmendi, “Siparantum” do të konkurrojë në dy kategori: B4 – Vocal Ensemble dhe A5 – Mixed Choir. Ky festival është një mundësi e shkëlqyer për të promovuar muzikën korale kosovare në arenën ndërkombëtare dhe për të krijuar lidhje me ansamble të ndryshme nga vende të ndryshme.