Ushtruesja e detyrës së presidentes së Kosovës, Albulena Haxhiu, ka pritur në takim korin “Siparantum” pas triumfit të tyre në Kuala Lumpur, ku ata fituan dy medalje të arta dhe një çmim special. Kori u dallua mes më shumë se 200 koreve nga vende të ndryshme, duke prezantuar vepra që pasqyrojnë muzikën, kulturën dhe historinë shqiptare. Një pjesë e rëndësishme e repertorit të tyre ishte muzika e kompozitorëve shqiptarë, e cila po shpaloset para audiencës ndërkombëtare. Haxhiu i përgëzoi anëtarët dhe dirigjentin Memli Kelmendi, duke shprehur shpresën që ata të vazhdojnë të nderojnë Kosovën me arritjet e tyre artistike.