Posta e Kosovës ka lansuar një emision të veçantë pullash postare për të kremtuar 250-vjetorin e Pavarësisë së Shteteve të Bashkuara të Amerikës, duke nderuar kështu një nga ngjarjet më të rëndësishme në historinë e demokracisë moderne. Ky emision përfshin një pullë me vlerë nominale 2.10 euro, e vendosur në një tabak me katër pulla dhe një Zarfi i Ditës së Parë, që e bën koleksion të veçantë për filatelistët dhe dashamirët e historisë postare. Posta e Kosovës shpreh respekt dhe vlerësim për idealet e lirisë, vetëvendosjes dhe demokracisë që SHBA-ja ka promovuar, si dhe thekson marrëdhëniet e veçanta të miqësisë dhe partneritetit midis Kosovës dhe SHBA-së. Me këtë nismë, Kosova bashkohet me kremtimet ndërkombëtare dhe nderon kontributin historik të SHBA-së në promovimin e paqes dhe zhvillimit demokratik në botë.