Në kuadër të edicionit të 32-të të Sarajevo Film Festival, Qendra Kinematografike e Kosovës organizoi mbrëmjen “Industry Drink”, një ngjarje që mblodhi kineastë, profesionistë dhe partnerë ndërkombëtarë të industrisë së filmit. Ambasada e Kosovës në Zagreb e vlerësoi këtë aktivitet si një shembull të fuqishëm të diplomacisë kulturore, duke theksuar se kinematografia kosovare po ndërton ura komunikimi dhe bashkëpunimi ndërkombëtar përmes krijimtarisë dhe historive të saj.