Asambleja e 96-të e Përgjithshme e Unionit Evropian të Transmetimeve (EBU) po zhvillohet në Pragë, ku një nga temat kryesore është diskutimi për ndryshimet në kuadrin e pjesëmarrjes në Festivalin e Këngës “Eurovision”. Propozimet përfshijnë krijimin e kategorive të reja për anëtarët “të asociuar” ose vendet jashtë Evropës, duke mundësuar kështu pjesëmarrjen e vendeve si Kosova dhe Kanadaja. Përfaqësuesit e RTK-së, Zana Spahiu dhe Dardan Beqiri, janë pjesë e punimeve dhe kanë dorëzuar kërkesë zyrtare për pranimin e Kosovës në Eurovision 2027. Edhe pse vendimi përfundimtar nuk është marrë ende, diskutimet në Asamble konsiderohen kyçe për të përcaktuar të ardhmen e pjesëmarrjes së Kosovës në këtë garë ndërkombëtare muzikore.