UNICEF, me mbështetjen financiare të Comodita Home dhe në bashkëpunim me YWCA Albania dhe Bashkinë Elbasan, organizoi një trajnim për 30 edukatore të kopshteve në Elbasan. Fokusi i këtij trajnimi ishte qasja Reggio Emilia, e cila vlerëson kreativitetin dhe potencialin e fëmijëve duke i parë ata si protagonistë të të nxënit. Trajnimi u drejtua nga Cristian Fabbi, i cili theksoi rëndësinë e mjedisit si "mësuesi i tretë" dhe rolin e edukatoreve në mbështetjen dhe dokumentimin e procesit të të nxënit. Përmes kësaj qasjeje, edukatoret mësuan metoda praktike për të nxitur eksplorimin dhe kreativitetin e fëmijëve duke përdorur lojën, artin dhe materiale të riciklueshme.