Në Galerinë e Arteve të Prishtinës është hapur ekspozita “Ditari i një fotografi të luftës” e Visar Kryeziut, e kuratoruar nga Eliza Hoxha, në kuadër të platformës “Liria Ka Emër”. Ekspozita përmban fotografi të realizuara gjatë luftës në Kosovë në vitet 1998–1999 dhe periudhën pas saj, duke dokumentuar vuajtjet, rezistencën dhe çlirimin e popullatës. Komuna e Prishtinës mbështeti këtë nismë për ruajtjen dhe promovimin e kujtesës historike përmes artit dhe fotografisë. Hapja e ekspozitës vjen pak ditë para Marshit për Liri më 12 shtator në sheshin “Skënderbeu”, ku qytetarët do të bashkohen për të mbrojtur të vërtetën historike dhe për të mos lejuar shtrembërimin e saj.