Më 23 gusht shënohen 19 vjet nga vdekja e Faruk Begollit, një prej aktorëve më të njohur shqiptarë në ish-Jugosllavi dhe Kosovë. I lindur në Pejë në vitin 1944, Begolli studioi në Akademinë e Filmit dhe Teatrit në Beograd, ku diplomoi në vitin 1966, dhe gjatë karrierës së tij luajti në mbi 60 filma, duke fituar famë në gjithë Ballkanin. Ai ishte bashkëthemelues i Degës së Aktrimit në Fakultetin e Arteve të Universitetit të Prishtinës dhe i Teatrit “Dodona” në Prishtinë, duke dhënë kontribut të rëndësishëm në zhvillimin e artit dhe edukimin e brezave të rinj. Roli i tij në filma të njohur si “Bitka na Neretvi”, “Dervishi dhe Vdekja” dhe shumë produksione kosovare të viteve ’70 dhe ’80 e bëjnë atë një figurë të paharrueshme në historinë e kinematografisë shqiptare.