Komuna e Kumanovës ka hapur konkurs për krijimin e “Suvenirit të Komunës së Kumanovës për vitin 2026”, duke ftuar individë dhe organizata të paraqesin ide për një produkt autentik që do të simbolizojë qytetin. Suveniri i përzgjedhur duhet të pasqyrojë veçoritë karakteristike, traditën dhe trashëgiminë kulturore-historike të Kumanovës, duke promovuar kreativitetin dhe punimet artizanale lokale. Një nga kushtet kryesore është që produkti të jetë i përshtatshëm për prodhim në seri, në mënyrë që të përdoret gjerësisht për promovimin turistik dhe identitetin e qytetit. Kjo iniciativë synon të forcojë lidhjen me trashëgiminë shpirtërore, materiale dhe natyrore të Kumanovës, duke krijuar një simbol të dallueshëm dhe të njohur gjatë vitit 2026.