Kryeministri në detyrë, Albin Kurti, priti në takim drejtoreshën e Qendrës Kulturore të Kosovës në Paris, Frédérique Duversin, për të falënderuar për angazhimin e saj të gjatë në promovimin e kulturës kosovare në Francë. Gjatë takimit u diskutua thellimi i bashkëpunimit në fushën e kulturës dhe arsimit, duke përfshirë shkëmbimet akademike, rezidencat artistike dhe promovimin e artistëve kosovarë në hapësirën frankofone. U vlerësua bashkëpunimi aktual me muze, biblioteka dhe universitete franceze si bazë për zgjerimin e rrjetit të bashkëpunimit. Theksi u vu në rëndësinë e diplomacisë kulturore për forcimin e lidhjeve ndërmjet Kosovës dhe Francës dhe nevojën për mbështetje të vazhdueshme në promovimin e artit dhe akademisë kosovare.