Kryeministri në detyrë i Kosovës, Albin Kurti, mori pjesë në ceremoninë përmbyllëse të edicionit të 25-të të festivalit ndërkombëtar të filmit të shkurtër dhe dokumentar DokuFEST, që u zhvillua në Prizren. Ai ndau çmimin për filmin më të mirë në garën kombëtare, të cilin e fitoi filmi “Në kërkim të poezisë” me regji të Lorin Terezit. Gjatë nëntë ditëve të festivalit, në shtatë kinema u shfaqën 223 filma, ndërsa 114 prej tyre garuan në tetë kategori të ndryshme. Kurti përgëzoi fituesit dhe pjesëmarrësit, duke theksuar rëndësinë e këtij festivali në promovimin e kinematografisë dhe kulturës në Kosovë.