Në sheshin “Shadërvan” të Prizrenit po zhvillohet edicioni i 21-të i Festivalit të Veturave Klasike “Oldtimer”, ku mbi 80 makina klasike janë ekspozuar në një atmosferë të veçantë historike. Automjetet, disa prej të cilave janë mbi 35 vjet të vjetra dhe madje disa më shumë se një shekull, janë sjellë nga vende të ndryshme të Evropës dhe Ballkanit, duke përfshirë Shqipërinë, Maqedoninë e Veriut, Mali i Zi, Turqinë, Slloveninë dhe Hungarinë. Pronari dhe adhuruesit e këtyre makinave i kanë prezantuar ato me kujdes të veçantë, duke tërhequr vëmendjen e turistëve vendorë dhe të huaj dhe duke i dhënë një gjallëri të re aktivitetit turistik në qytetin e vjetër. Ky festival jo vetëm promovon kulturën e automjeteve klasike, por edhe rikthen në jetë një pjesë të historisë automobilistike në një nga qytetet më të bukura të Kosovës.