Gjatë muajit maj, Libraria Dukagjini në Prishtinë po organizon “Manga Month”, një ngjarje e dedikuar kulturës japoneze në bashkëpunim me Ambasadën e Japonisë. Programi filloi më 5 maj me ekspozimin e një armature samurai që do të qëndrojë për një javë, duke simbolizuar traditën dhe estetikën japoneze. Gjatë muajit do të zhvillohen aktivitete të ndryshme si workshop-e vizatimi manga, prezantim i yukata, origami dhe një klub leximi manga për komunitetin anime. Përveç ekspozitës së punimeve të artistëve, vizitorët do të përfitojnë edhe oferta speciale me zbritje në librat manga, duke krijuar një eksperiencë të veçantë kulturore dhe artistike në qytet.