Pas një mungese pesëvjeçare, Maqedonia e Veriut do të rikthehet në garën e Eurovisionit në vitin 2027, që do të mbahet në Burgas të Bullgarisë. Radiotelevizioni i Maqedonisë ka njoftuar se do të përdorë një model të ri dhe më transparent për zgjedhjen e përfaqësuesit dhe këngës, duke përfshirë informimin e publikut mbi procedurat dhe kriteret e përzgjedhjes. Drejtori i RTM-së, Zoran Ristoski, theksoi se ky proces do të jetë më i hapur dhe se mbështetja e Unionit Evropian të Transmetimeve është një faktor kyç për rikthimin e vendit në konkurs. Emri i artistit dhe kënga që do të përfaqësojnë Maqedoninë do të shpallen më vonë, ndërsa vëmendja tashmë është përqendruar te mënyra e përzgjedhjes dhe promovimi i një performancë cilësore.