Në shpellën “Liqeni i zi” në gadishullin Peleshac pranë Dubrovnikut në Kroaci, arkeologët kanë zbuluar një maskë teatrore prej terrakote që daton nga shekulli IV-III para erës sonë. Kjo maskë, e cila ka një vrimë për varje dhe është e zbrazët brenda, besohet se ka qenë e vendosur në mur dhe lidhet me rituale të lashta, ndoshta me kultin e Dionisit ose ekuivalentit ilir të tij. Hulumtimet tregojnë se shpella ka pasur funksione të ndryshme gjatë mijëvjeçarëve, duke filluar nga strehimi në epokën e bronzit, varrosjet në epokën e hekurit dhe më pas përdorimi si faltore ilire ku janë gjetur enë votive, kryesisht me origjinë greke. Ky lokalitet është pjesë e një rrjeti faltorësh ilirë në zonën e Dubrovnikut që ofrojnë mundësi për të studiuar ndërthurjet midis fesë ilire dhe kulturës greke në antikitet.