Ministrja në detyrë e Kulturës dhe Turizmit, Saranda Bogujevci, zhvilloi një takim me Kaltrina Mehmetin, kryesuese e Organizatës për Menaxhim Kolektiv të të Drejtave të Autorit në Fushën e Muzikës (KMRS). Në këtë takim u diskutua thellësisht për forcimin e sistemit të mbrojtjes së të drejtave të autorit dhe të drejtave të përafërta në sektorin e muzikës në Kosovë. U përmendën sfidat dhe prioritetet në menaxhimin kolektiv, si dhe nevoja për një sistem të drejtë dhe transparent që garanton kompensim të merituar për krijuesit. Gjithashtu, u theksua rëndësia e bashkëpunimit ndërinstitucional dhe ndërkombëtar për avancimin e standardeve dhe zhvillimin e industrisë kreative në vend.