Instituti Albanologjik i Kosovës organizoi shfaqjen e filmit të shkurtër “Gurbeqars: the non migrants” në Kërçovë, i cili trajton proceset komplekse të migracionit në këtë rajon dhe ndikimet e tij. Krijuesja e filmit, profesoresha Lumije Jusufi, theksoi se fokusi kryesor ishte në kontaktet gjuhësore dhe ndikimin kulturor që sjellin migrantët, duke sfiduar perceptimet e zakonshme mbi terminologjinë për migrantët. Projekti u përqendrua në analizën e termave të ndryshëm si “gurbetqarë”, “migrantë” dhe “mërgimtarë”, të cilët shpesh kritikohen për mënyrën se si përdoren në shoqëri. Ideja lindi nga përvoja personale e Jusufit në Kërçovë dhe dëshira për të reflektuar mbi ndikimin e migracionit jo vetëm si një fenomen social, por edhe gjuhësor dhe kulturor.