Komuna e Mitrovicës organizoi një aktivitet të veçantë në Muzeun e Qytetit për të shënuar Ditën Ndërkombëtare të Muzeve, ku morën pjesë kryetari i komunës, Faton Peci, dhe drejtori për Kulturë, Rini dhe Sport, Gazmend Asllani. Muzeu, i cili së fundmi u bë pjesë e rrjetit të muzeve evropiane, mirëpriti ekspozitën e punimeve të grave të grupit të thurjes “Vegza”. Kryetari Peci vlerësoi lart punën e grave të këtij grupi, duke theksuar dashurinë, përkushtimin dhe mundin që ato vendosin në çdo punim, si dhe rolin e tyre në ruajtjen dhe përcjelljen e traditës shqiptare. Komuna theksoi rëndësinë e ruajtjes së kulturës si një vlerë të shtuar për shoqërinë, duke e bërë këtë aktivitet një moment të rëndësishëm për promovimin e trashëgimisë kulturore lokale.