Edicioni i 8-të i festivalit “Mitrovica Guitar Days” përfundoi me pjesëmarrjen e kryeministrit në detyrë, Albin Kurti, i cili vlerësoi rëndësinë e këtij eventi si një pikë takimi për artistë, studentë dhe adhurues të muzikës nga Kosova dhe rajoni. Ai theksoi se festivali nuk është thjesht një seri koncertesh, por një investim në edukimin estetik dhe zhvillimin e të rinjve, duke promovuar Kosovën si një vend që vlerëson kulturën dhe bashkëpunimin ndërkombëtar. Kurti falënderoi organizatorët, artistët dhe pjesëmarrësit, duke theksuar se kultura dhe arti janë ambasadorët më të mirë të vendit dhe se festivali do të vazhdojë të rritet dhe të forcojë pozitën e tij në hartën kulturore evropiane. Ai nënvizoi nevojën për më shumë ngjarje të tilla që ndërtojnë ura bashkëpunimi dhe prezantojnë potencialin krijues të Kosovës para botës.