Kuvendi Komunal i Mitrovicës ka miratuar një paketë mbështetëse financiare mbi 59 mijë euro për kulturën dhe organizatat shoqërore. Nga kjo shumë, 30,000 euro janë dedikuar për aktivitete kulturore dhe festivale të ndryshme, si Green Fest dhe Mitrovica International Festival Jazz Days, ndërsa 29,500 euro do të shkojnë për organizata joqeveritare dhe grupe të cenueshme. Përveç kësaj, është aprovuar edhe ndihma financiare prej 250 euro për viktimat e dhunës gjatë vitit 2026, si dhe mbulimi i qirasë për familjet e prekur nga rrëshqitja e dheut në lagjen Bair. Kryetari i Komunës, Faton Peci, ka theksuar se këto masa synojnë përmirësimin e mirëqenies së qytetarëve dhe përfshirjen sociale në komunitet.