Sonte në Mitrovicë, në shëtitoren "Kej" dhe duke filluar nga ora 19:30, do të mbahet premiera e dokumentarit “Shtëpia e Kombit”, me regji të Burim Halitit dhe producent Helena Halilaj. Ky film dokumentar trajton eksodin e mijëra shqiptarëve të Kosovës gjatë vitit 1999 dhe mikpritjen e jashtëzakonshme të qytetarëve të Kukësit, të cilët hapën dyert e shtëpive të tyre për familjet e dëbuara. Përmes këtij projekti synohet rikthimi i kujtimeve të periudhës së luftës dhe solidaritetit njerëzor në një nga momentet më të vështira të historisë së Kosovës. Komuna e Mitrovicës ka ftuar qytetarët që të marrin pjesë në këtë ngjarje kulturore dhe reflektuese.