Në Pejë është zbuluar një mural i dedikuar të mbijetuarve të dhunës seksuale gjatë luftës së fundit në Kosovë, pranë objektit të Kadastrës. Ceremonia e zbulimit u mbajt me pjesëmarrjen e përfaqësuesve institucionalë dhe ndërkombëtarë, përfshirë kryetarin e Komunës së Pejës, ambasadorin e Francës dhe ish-presidenten Atifete Jahjaga. Elementi qendror i muralit është broshi simbolik i qendisur nga vetë të mbijetuarit, që përfaqëson Muzeun “Çast”, një hapësirë kujtese dhe reflektimi e themeluar nga Fondacioni Jahjaga me mbështetjen e Ambasadës Gjermane. Ky mural synon të nderojë dinjitetin dhe forcën e të mbijetuarve, duke rritur ndërgjegjësimin publik për krimet e luftës dhe rëndësinë e ruajtjes së kujtesës kolektive.