Muzeu Etnografik i Beratit ka rihapur dyert pas një procesi të gjatë restaurimi dhe konservimi, duke u kthyer në një qendër të gjallë të kujtesës historike dhe identitetit kulturor. Ndërhyrjet kanë ruajtur autenticitetin dhe vlerat monumentale të objektit, ndërsa koleksionet e restauruara dhe ndriçimi i ri e bëjnë muzeun një destinacion modern dhe atraktiv për vizitorët vendas dhe të huaj. Ministri i Turizmit, Kulturës dhe Sportit, Blendi Gonxhja, theksoi rëndësinë strategjike të këtij investimi për pozicionimin ndërkombëtar të Beratit si një qendër unike të trashëgimisë dhe turizmit kulturor. Muzeu tashmë funksionon si një hapësirë aktive ku kultura ndërvepron me publikun përmes aktiviteteve edukative, promovimit të artizanatit dhe teknikave tradicionale, duke e kthyer atë në një atraksion global.