Ka nisur Konferenca Pranverore e Shoqatës së Neurologjisë së Kosovës, një ngjarje që mbledh neurologë, specializantë dhe ekspertë ndërkombëtarë për të diskutuar zhvillimet më të fundit në neurologji. Fokus i ditës së parë është skleroza multiple, një sëmundje që prek kryesisht moshat e reja dhe paraqet sfida të mëdha për pacientët dhe familjet e tyre. Ekspertë nga Austria, Kroacia, Turqia dhe rajoni po prezantojnë metodat më të avancuara diagnostikuese dhe trajtimet më të reja për këtë sëmundje. Konferenca, që zhvillohet më 4 dhe 5 qershor, synon të forcojë shkëmbimin e njohurive dhe përvojave në fushën e neurologjisë në Kosovë dhe më gjerë.