Panairi i Librit në Ferizaj u hap zyrtarisht me promovimin e librit “Shtet i Ri, Burrë Shteti Modern: Hashim Thaçi – një biografi”, autorë Roger Boyes dhe Suzy Jagger. Ky libër sjell një pasqyrë të jetës dhe veprimtarisë politike të ish-presidentit të Kosovës, duke u fokusuar në periudhën e ndërtimit të shtetit. Ceremonia e hapjes mblodhi dashamirës të librit, autorë, botues dhe qytetarë, duke shënuar fillimin e edicionit të sivjetmë të panairit. Gjatë ditëve të panairit, vizitorët do të kenë mundësi të njohin botime të ndryshme vendore dhe të marrin pjesë në promovime, takime me autorë dhe aktivitete kulturore që synojnë të promovojnë kulturën e leximit në komunitet.