Uni-Universum International College organizoi ceremoninë madhështore të diplomimit për gjeneratën e 18-të të studentëve Bachelor dhe të 14-tën të Master, duke shënuar përfundimin e një kapitulli të rëndësishëm akademik. Ky kolegj është i menaxhuar dhe fuqizuar nga Universiteti Shtetëror i Arizonës, universiteti më inovativ në SHBA, dhe njihet për bashkëpunimet e tij ndërkombëtare të thella, përfshirë marrëveshjet e financuara nga Komisioni Evropian. Në vitin akademik aktual, Universum ka rritur ndjeshëm numrin e bursave për shkëmbim studentor në mbi 26 vende të BE-së, duke i dhënë mundësi të jashtëzakonshme studentëve për të ndërtuar një karrierë globale. Ceremonia e diplomimit nuk ishte vetëm një festë për arritjet e studentëve, por edhe një fillim i ri për sfida dhe mundësi profesionale në të ardhmen.