Në Ambulantën e Mjekësisë Familjare në Bec është zbuluar një pllaka përkujtimore në nder të Rexhep Tafës, mjekut që sakrifikoi gjithçka për lirinë e vendit. Ceremoninë e zhvilloi ish-kryetari i Aleancës, Ramush Haradinaj, i cili përmes një postimi në Facebook theksoi rëndësinë e kontributit të Tafës dhe bashkëpunëtorëve të tij, si Bekim Tafa, sot invalid i luftës. Ky akt nderimi vjen si shenjë respekti dhe mirënjohjeje për përkushtimin e jashtëzakonshëm të Dr. Rexhep Tafës në kohë të vështira. Haradinaj shprehu krenarinë për rrugëtimin e tyre në luftën për liri dhe lavdëroi veprën dhe kujtimin e tij.