Në Kishën Katolike “Shën Katerina” në Pejë, sonte mbahet koncerti “Northern Echoes” ku Defrost Youth Choir nga Norvegjia dhe Kori Siparantum nga Kosova bashkojnë zërat e tyre në një mbrëmje korale të veçantë. Nën drejtimin e dirigjentëve Thomas Caplin dhe Memli Kelmendi, dy ansamblet do të interpretojnë një program të pasur me muzikë nga autorë nordikë, evropianë dhe bashkëkohorë. Defrost Youth Choir, një nga koret rinore më të njohura në Norvegji, sjell një repertor të formësuar nga vizioni artistik i dirigjentit të tyre, ndërsa Kori Siparantum do të prezantojë veprat që pasqyrojnë identitetin dhe rrugëtimin e tij artistik. Ky koncert përfaqëson një takim kulturor dhe artistik mes dy vendeve, duke ndërtuar një urë bashkëpunimi përmes harmonisë së zërave.